The Way to God - Cebuano
© 2003, Rose Stair Goodman. Cover art, Edwin B. Wallace. Meryl Esenwein, art above and on pages 10, 12, 14, 16, 27, 29, 39, 41, 42, 44, 46, 47, and 48. The Bible text used is from Ang Pulong sa Dios, International Bible Society.
GIMUGNA SA DIOS ANG KALIBOTAN UG —1
ANG TANANG BUTANG NGA MAY KINABUHI
“Sa sinugdan gimugna sa Dios ang kalangitan ug ang kalibotan.” —Genesis 1:1
“Pinaagi kang Cristo...gibuhat sa Dios ang tanan nga anaa sa langit ug dinhi sa yuta.” —Colosas 1:16a
“Hinaut nga panalanginan kamo sa Ginoo nga nagbuhat sa kalangitan ug sa kalibotan. Ang kalangitan iya sa Ginoo, apan ang kalibotan gitugyan niya sa mga tawo.” —Salmo 115:15,16
Perpekto ang kalibotan sa dihang gitugyan kini sa Dios ngadto sa tawo. Basaha kining basahon aron imong mahibaloan kon unsa ang nahitabo sa
kalibotan.
GIHIMO SA DIOS ANG TAWO —2
“Miingon ang Dios, ‘Maghimo kita ug tawo nga sama kanato. Magamando sila sa tanang matang sa mga mananap.’ Busa gibuhat sa Dios nga sama kaniya ang tawo, lalaki ug babaye.” —Genesis 1:26a,27
ANG TAWO NAHIMONG BUHI NGA BINUHAT
—3
“Gihimo sa GINOONG Dios ang tawo gikan sa yuta. Gihuypan niya sa ilong ang tawo sa gininhawa nga nagahatag ug kinabuhi. Busa ang tawo nahimong buhi nga binuhat.” —Genesis 2:7
“Miingon ang GINOONG Dios, ‘Dili maayo nga ang tawo magpuyo nga mag-inusara, busa himoan ko siya ug kauban nga motabang kaniya ug angay kaniya.’ Busa gipahinanok gayod sa GINOONG Dios ang tawo. Ug samtang nahinanok siya, gikuha sa GINOONG Dios ang usa niya ka gusok ug unya gikipot pagbalik ang gikuhaan niini. Ang gusok nga gikuha sa GINOONG Dios gikan sa lalaki gihimo niya nga usa ka babaye, ug siya iyang gidala ngadto sa lalaki.” —Genesis 2:18,21,22
NAKALAPAS SA DIOS SI ADAN UG SI EVA —4,5
Dili gayod kita angay nga motuo sa ipanulti ni Satanas.
“Gipapuyo sa GINOONG Dios sa tanaman sa Eden ang tawo nga iyang gibuhat aron moatiman niini. Ug giingnan niya siya, ‘Makakaon ka sa bunga sa bisan unsa nga kahoy sa tanaman, gawas lang sa bunga sa kahoy nga nagahatag sa kahibalo kon unsa ang maayo ug ang daotan. Kay sa higayon nga kaunon mo kini, sigurado gayod nga mamatay ka.’” —Genesis 2:15-17
GITUIS NI SATANAS NGA NAGPAKABITIN ANG GISULTI SA DIOS
“Miingon ang bitin, ‘Dili tinuod nga mamatay kamo! Sa dihang nakita sa babaye nga ang kahoy nindot tan-awon ug ang iyang bunga morag lami nga kaunon, ug tungod kay nagtinguha siya nga mahimong maalam, mikuha siya sa bunga ug mikaon siya. Gihatagan usab niya ang iyang bana ug mikaon usab siya.” —Genesis 3:4,6
GIPAPAHAWA SI ADAN UG SI EVA SA TANAMAN SA EDEN —6
“Busa gihinginlan sa GINOONG Dios ang tawo sa tanaman sa Eden ug gipauma sa yuta nga mao ang iyang gigikanan... Nagbutang ang GINOONG Dios ug mga kerubin sa sidlakang bahin sa tanaman sa Eden. Ug nagbutang usab siyag espada nga nagadilaab ug nagatuyok aron walay maka- duol sa kahoy nga nagahatag ug kinabuhi.” —Genesis 3:23,24
MAKAPASUBO ALANG SA MGA TAWO SA —7
KALIBOTAN ANG NAHIMO NI ADAN UG NI EVA
“Ang sala nakasulod sa kalibotan tungod sa paglapas ni Adan sa sugo sa Dios, ug ang iyang sala nagdalag kamatayon. Busa miabot ang kamatayon sa tanang mga
tawo.”—Roma 5:12a
Timan-i kini nga kamatuoran:
Ang matag tawo nakapanunod sa maong sala ug mamatay sa kaulahian tungod kay ang kamatayon miabot tungod sa sala. (Basaha pag-usab ang Roma 5:12a).
GIPADALA SA DIOS ANG IYANG BUGTONG
—8
ANAK ARON SA PAGLUWAS SA
TAWO GIKAN SA SALA
“Manganak siya [si Maria] ug lalaki ug nganlan mo siyag Jesus, kay luwason niya ang iyang katawhan gikan sa ilang mga sala.” —Mateo 1:21
Gikinahanglan sa Anak sa Dios nga magpakatawo aron mahimo siyang kabahin sa mga tawo sa kalibotan.
“Ang tinuod, si Cristo nahimong tawo, apan bisan pa niini, anaa gihapon kaniya ang iyang pagka-Dios.” —Colosas 2:9
SI JESUS DIOS NGA NAGPAKATAWO —9
“Sukad pa kaniadto, anaa na ang gitawag nga Pulong. Ang Pulong kauban na sa Dios, ug ang Pulong mao ang Dios. Ang Pulong nagpakatawo ug nakig-uban kanato.” —Juan 1:1,14a
“Nahitabo kini aron matuman ang giingon sa Ginoo pinaagi sa propeta nga nag-ingon, ‘Magburos ang usa ka ulay, ug manganak siyag lalaki. Ug ang maong bata pagatawgon nga Emmanuel’ (nga kon sabton, ‘Ang Dios kauban
nato’).”—Mateo 1:22,23
“Matawo ang usa ka batang lalaki ug maghari siya kanamo. Pagatawgon siya nga, ‘Katingalahan nga Magtatambag, Maka- gagahom nga Dios, Walay Kataposan nga Amahan, ug Pangulo nga Magpalungtad sa Kalinaw!’” —Isaias 9:6
SI JESU-CRISTO MAO ANG PERPEKTO NGA HALAD SA DIOS —10
“Si Cristo wala gayoy sala.” —2 Corinto 5:21a
“Si Cristo wala makasala, ug wala mamakak.” —1 Pedro 2:22
Walay halad nga takos ikahalad sa tawo ngadto sa Dios nga igo aron makawagtang sa sala.
“...ang dugo sa mga toro nga baka ug sa mga kanding nga ilang gihalad dili gayod makawagtang sa ilang mga sala.” —Hebreo 10:4
Si Jesus sama sa usa ka mananap nga gihalad ngadto sa Dios. “Ania na ang Karnero sa Dios nga ihalad aron magwagtang sa sala sa mga tawo dinhi sa kalibotan.” —Juan 1:29b
GIHALAD NI JESUS ANG IYANG KINABUHI ARON KITA MALUWAS
—11,12
Gilansang si Jesus sa krus tungod kay nasuko kaniya ang daotang mga tawo. Apan ang iyang kamatayon plano sa Dios. Kabubut-on ni Jesus ang pagtugyan sa iyang kinabuhi aron ikaw ug ako maluwas gikan sa atong mga sala. Miingon si Jesus, “Walay makapatay kanako kon dili ko kini itugot. Apan kabubut-on ko nga ihatag ang akong kinabuhi. Akong pagbuot ang paghatag niini, ug pagbuot ko usab ang pagbawi niini.” —Juan 10:18
GITUBOS KITA PINAAGI SA DUGO NI
JESUS—ANG KARNERO SA DIOS
“Ang gitubos kaninyo dili mga butang nga mawala, sama sa bulawan o plata, kondili ang bililhong dugo ni Cristo. Sama si Cristo sa karnero nga hinlo ug walay deperensya nga gihalad ngadto sa Dios.” —1 Pedro 1:18b,19
WALAY NAY LAIN PANG HALAD NGA MAKAWAGTANG SA SALA
“Tungod kay gipakamatarong na kita karon sa Dios pinaagi sa dugo ni Cristo, makasiguro gayod kita nga tungod kang Cristo makalikay kita sa umaabot nga silot sa Dios.” —Roma 5:9
“Jesus, hinumdomi intawon ako kon maghari ka na!”—Lucas 23:42b
Kini nga kawatan nagtuo kang Jesus ug naluwas siya.
“Tinuod kining isulti ko kanimo nga karong adlawa ikauban ko ikaw sa Paraiso.”—Lucas 23:43b
Kini nga kawatan wala motuo kang Jesus, busa wala siya maluwas.
“Nagpakamatay si Cristo alang kanato bisan pa ug makasasala kita.” —Roma 5:8
ANG TANANG NAGATUO SA ANAK SA DIOS —13
MAKAANGKON SA KINABUHING
WALAY KATAPOSAN
“Kay gihigugma gayod sa Dios ang kalibotan, mao nga
gihatag niya ang iyang bugtong Anak, aron nga
si bisan kinsa nga motuo kaniya dili ma-
wala, kondili makaangkon hinuon
ug kinabuhing walay kataposan.”
—Juan 3:16
“Giluwas kita sa Dios gikan sa gahom sa kangitngit ug gipahiluna didto sa gingharian sa iyang pinanggang Anak. Pinaagi sa iyang Anak gitubos niya kita. Kini nagpasabot nga gipasaylo na niya ang atong mga
sala.”—Colosas 1:13,14
NABANHAW SI JESUS —14
“Miingon ang anghel ngadto sa mga babaye, ‘Ayaw kamo kahadlok. Nahibalo ako kon nganong mianhi kamo dinhi. Gusto ninyong tan-awon si Jesus, ang gilansang sa krus. Wala na siya dinhi tungod kay nabanhaw siya sumala sa iyang giingon kaninyo. Dali kamo dinhi, tan-awa ninyo ang gibutangan kaniya.’” —Mateo 28:5,6
SI JESUS BUHI SA WALAY KATAPOSAN —15
“May kinabuhi ako nga walay kataposan. Namatay ako, apan tan-awa, buhi ako, ug dili na gayod mamatay. Ilalom sa akong gahom ang kamatayon ug ang lugar sa mga patay.”—Gipadayag 1:18
“Tungod kay ako buhi man, mabuhi usab kamo.” —Juan 14:19b
Gidaog na ni Jesus ang gahom sa kamatayon, busa dili kita angay nga mahadlok sa kamatayon.
“Kon mahadlok ako, mosalig ako kanimo, O Dios.” —Salmo 56:3
MAKALUWAS SI JESUS KANIMO UG NAGAAMPO SIYA ALANG KANIMO
“Si Jesus walay kamatayon...busa makahimo gayod siya pagluwas kang bisan kinsa nga moduol sa Dios pinaagi kaniya ug mahimo niya kini bisan unsang orasa. Kay buhi man siya sa walay kataposan aron sa pagpakilooy sa Dios alang kanila.” —Hebreo 7:24a,25
IKAW UG AKO MAKAANGKON UG KINABUHING WALAY KATAPOSAN —16
Kinabuhing Walay Kataposan
Unsa ang dalan nga imong pilion?
Si Jesu-Cristo mao ang dalan paingon sa kinabuhing walay kata- posan.
Si Satanas mao ang dalan paingon sa kamatayon nga walay kataposan.
Gipili niining tawo ang husto nga dalan paingon sa kinabuhing walay kataposan.
Kamatayon nga Walay Kataposan
MAGPILI KA
—17
“...Magpili kamo karong adlawa kon kinsa ang inyong alagaron....” —Josue 24:15
“Pilia ninyo ang kinabuhi aron nga kamo ug ang inyong mga kaliwat mabuhi.” —Deuteronomio 30:19b
SI JESUS ANG DALAN PAINGON SA KINABUHINGWALAY KATAPOSAN
“Wala nay lain pa sa tibuok nga kalibotan nga makaluwas kanato kondili si Jesus lamang.” —Binuhatan 4:12
“Ako lang gayod ang Ginoo ug gawas kanako wala nay lain pang Manluluwas.” —Isaias 43:11
NGANONG SI JESUS ANG ATONG PILION KON BUOT NATONG MAANGKON ANG
—18-21
KINABUHING WALAY KATAPOSAN?
1. Kay siya mianhi aron sa paghatag sa kinabuhing walay kataposan.
“Mianhi ako dinhi sa kalibotan aron mahatagan ko ang mga tawo sa kinabuhi nga madagayaon.” —Juan 10:10
2. Gihigugma niya kita ug nagpakamatay siya alang kanato.
“Ang Anak sa
Dios...nahigugma kanako ug naghalad sa iyang kinabuhi alang kanako.” —Galacia 2:20b
Si Jesus mismo nagpakatawo usab aron ihalad ang iyang kaugalingon alang kanila, “kay pinaagi sa iyang kamatayon mapilde niya si Satanas nga mao ang gigikanan sa kamatayon sa mga tawo.”
—Hebreo 2:14b,15
3. Pinaagi lang sa dugo ni Jesus mapasaylo ang atong mga sala.
“Ang dugo nga mao ang nagahatag sa kinabuhi, mao ang makatubos sa tawo sa iyang mga sala.” —Leviticus 17:11b
“Ang dugo ni Jesus nga Anak sa Dios nagahinlo kanato sa tanan natong mga kasal-anan.” —1 Juan 1:7b
“Pinaagi sa iyang Anak gitubos niya kita. Kini nagpasabot nga gipasaylo na niya ang atong mga sala.” —Colosas 1:14
4. Nabanhaw siya ug magpabilin nga buhi sa walay
kataposan.
“Nasayod kita nga tungod kay si Cristo nabanhaw, dili na mahimo nga mamatay siya pagusab. Wala nay gahom ang kamatayon kaniya.” —Roma 6:9
“Namatay siya alang sa tanan, aron nga ang mga tawo nga buhi karon dili na magkinabuhi alang sa ilang kaugalingon kondili alang kaniya nga namatay ug nabanhaw alang kanila.” —2 Corinto 5:15
Miingon si Jesus, “Tungod kay ako buhi man, mabuhi usab kamo.” —Juan 14:19b
5. Mopuyo kanato ang Espiritu ni Cristo aron maangkon nato ang kinabuhing walay kataposan.
“Tungod kay si Cristo anaa na kaninyo may paglaom kamo nga mahimong nindot kaayo ang inyong kahimtang sa umaabot.” —Colosas 1:27b
“Unya, tungod kay ang Espiritu sa Dios nga nagbanhaw kang Jesus anaa kaninyo, siya nga nagbanhaw kang Cristo mao usab ang maghatag ug kinabuhi sa inyong mga may kamatayon nga lawas. Buhaton niya kini pinaagi sa Espiritu nga nagapuyo diha kaninyo.” —Roma 8:11
SIGUROHA NGA ANG ESPIRITU NI CRISTO ANAA KANIMO
“Ang tawo nga wala diha kaniya ang Espiritu ni Cristo dili iya ni Cristo.” —Roma 8:9b
GIHIGUGMA NI JESUS ANG TANANG KABATAAN —22,23
“Gikugos niya ang mga bata, gipandong niya ang iyang kamot kanila ug gipanalanginan sila.” —Marcos 10:16
“Si Jesus nahigugma kanako, nahibaloan ko kini kay ang Biblia nagsulti kanako.”
“Gitawag ni Jesus ang mga bata nga moduol kaniya, ug miingon siya sa iyang mga sumusunod, ‘Pasagdi lang ninyo ang mga bata nga moduol kanako. Ayaw ninyo sila pugngi, kay ang mga sama kanila nasakop sa paghari sa Dios.’” —Lucas 18:16
“Mao usab kana ang bation sa inyong Amahan nga langitnon. Dili gayod niya buot nga mawala ang bisan usa lang ka gamay nga bata.” —Mateo 18:14
Kini nga mga bersikulo nagpamatuod nga bisan ang mga bata gihigugma sa Dios. Busa, ikaw o si bisan kinsa sa iyang mga binuhat, gihigugma ni Jesus ug iya ka gayong gipakamatyan. Mahimo mo usab nga mapakita ang imong paghigugma kaniya pinaagi sa pagtuman kaniya.
“Kon gihigugma ninyo ako, tumana ninyo ang akong mga sugo.” —Juan 14:15
UNSAY ANGAY MONG BUHATON ARON MAKADUOL KA SA DIOS —24-28
1. Angkona nga ikaw makasasala. (Tan-awa pag-usab ang pahina 7.)
“Kay ang tanan nga mga tawo nagpakasala ug dili takos atubangan sa Dios.” —Roma 3:23
2. Duol sa Dios pinaagi sa pagtuo kang Jesu-Cristo.
“Kay may usa lang ka Dios ug may usa lang ka tigpataliwala tali sa Dios ug sa mga tawo. Kini walay lain kondili ang tawo nga si Cristo Jesus.” —1 Timoteo 2:5
“Busa makahimo gayod siya pagluwas kang bisan kinsa nga moduol sa Dios pinaagi kaniya ug mahimo niya kini bisan unsang orasa.” —Hebreo 7:25a
Miingon si Jesus, “Ang tanang tawo nga ginahatag sa Amahan kanako moduol kanako, ug ang moduol kanako dili ko gayod isalikway.” —Juan 6:37
3. Isugid ang imong mga sala ngadto kang Jesus ug hinulsoli
kini.
“Busa karon, kinah-anglan maghinulsol na kamo ug moduol sa Dios aron pasayloon niya ang inyong mga sala.”—Binuhatan 3:19
“Nagahulat siya nga maghinulsol ang mga tawo sa ilang mga sala, tungod kay dili niya buot nga may mawala.” —2 Pedro 3:9b
“Kon isugid nato sa Dios ang atong mga sala, kasaligan siya nga mopasaylo
kanato sa atong mga sala ug sa paghinlo kanato sa tanan natong mga kalapasan.”—1 Juan 1:9a
Isulat sa mga linya ang saad sa Dios kanimo kon mosu-
gid ka sa imong mga sala kaniya sumala sa gibasa
mo sa 1 Juan 1:9 sa pahina 25.
_____________________________________________
_____________________________________________
_____________________________________________
_____________________________________________
4. Talikdi ang imong mga sala.
“Dili ka gayod magmauswagon kon dili mo isugid ang imong mga sala, apan kon isugid mo kini ug talikdan, kaloy-an ka sa Dios.” —Panultihon 28:13
“Likayi ang daotan ug himoa ang maayo.” —Salmo 37:27a
5. Tuo kang JesuCristo.
“Kon isugilon mo nga si Jesus mao ang Ginoo ug nagatuo ka sa kinasingkasing nga gibanhaw siya sa Dios gikan sa kamatayon, maluwas ka.” —Roma 10:9
“Tumuo ka kang Ginoong Jesus ug maluwas ka ug ang imong panimalay.—Binuhatan 16:31
“Tungod sa grasya sa Dios naluwas kamo pinaagi sa inyong pagtuo kang Jesu-Cristo. Kini gasa gikan sa Dios ug dili pinasikad sa inyong maayong mga binuhatan, busa wala gayoy
makapasigarbo.” —Efeso 2:8,9
6. Dawata si Jesu-Cristo sa imong kinabuhi.
Ablihi ang imong kasingkasing ug pasudla si Jesus. Miingon si Jesus, “Nagatindog ako sa pultahan ug nagatuktok. Kon adunay makadungog sa akong tawag ug mopadayon kanako sa iyang balay, mosulod ako, ug mag-uban kami sa
pagpangaon.”—Gipadayag 3:20
“Si bisan kinsa nga midawat ug nagtuo kaniya gihatagan niya ug katungod nga mahimong anak sa Dios.” —Juan 1:12
GIYA ALANG SA PAG-AMPO
—29
Kon ikaw wala pa makasulay nga mag-ampo ug buot mong matabangan ka sa paghimo niini, sunda kini:
Ginoong Jesus,
Salamat sa imong pagpakamatay sa krus aron mawagtang ang akong mga sala. Pasayloa ako sa tanang daotan nakong gihimo. Dawaton ko ikaw nga akong Agalon ug Manluluwas. Gihangyo ko ikaw nga mopuyo sa akong kasingkasing hangtod sa hangtod. Sa imong ngalan ako nagaampo. Amen.
KON ANAA SI JESUS SA IMONG KASINGKASING, MAANGKON MO ANG KINA-
—30
BUHING WALAY KATAPOSAN
“Gihatagan kita sa Dios sa kinabuhi nga walay kataposan, ug kining kinabuhia anaa sa iyang Anak. Si bisan kinsa nga anaa diha kaniya ang Anak, may kinabuhi.” —1 Juan 5:11b,12a
“Ang tawo nga nagatuman sa akong mga pulong ug nagatuo sa nagpadala kanako...nakalatas na sa kamatayon ngadto sa kinabuhi.” —Juan 5:24b
Kon ang usa ka tumutuo mamatay, biyaan niya ang iyang lawas sa yuta ug mopauli siya ngadto sa Ginoo (2 Corinto 5:8). “Ug tungod kay si Cristo anaa na kaninyo may paglaom kamo nga mahimong nindot kaayo ang inyong kahimtang sa umaabot” (Colosas 1:27b).
Kon nagatuo ka nga pinaagi lamang kang Jesus mapasaylo ang imong mga sala, ug gidawat mo siya ingon nga imong Agalon ug Manluluwas, isulat ang imong ngalan sa
ubos:
UNSAON SA PAGPADAYON SA
PAGSUNOD KANG JESUS —31
Basaha ang Biblia matag adlaw ug tipigi kini sa imong kasingkasing pinaagi sa pagsag-ulo sa mga bersikulo nga makatabang kanimo. (Daghan dinhi niini nga basahon ang mahimo mong sagulohon.)
“Ang tibuok nga Kasulatan gi-sulat pinaagi sa gahom sa Dios, ug mapuslanon kini sa pagtudlo sa kamatuoran, sa pagbadlong, sa pagtul-id sa sayop, ug sa pagtudlo sa matarong nga pag-kinabuhi.” —2 Timoteo 3:16
PAKIGSULTI KANUNAY KANG JESUS PINAAGI SA PAG-AMPO —32
Pasalamati siya sa tanang maayong mga butang nga nadawat mo sa imong kinabuhi. Dayega siya sa mga butang nga iyang gihimo kanimo ug sa iyang pagluwas kanimo. Pag-ampo alang sa imong mga kinahanglanon. Himoa kini sa ngalan ni Jesus.
“Paminawon niya ang bisan unsa nga atong iampo sumala sa iyang kabubut-on.” —1 Juan 5:14b
“...Pag-inampoay kamo....” —Santiago 5:16
“Bisan pa ang mga nagalutos kaninyo iampo ninyo.” —Mateo 5:44b
ANG PAG-AMPO NGA GITUDLO NI JESUS SA IYANG MGA SUMUSUNOD
—33
(Ang sumusunod usa ka tawo nga nagasunod kang Jesus.)
“Amahan namo nga anaa sa langit, hinaut nga pasidunggan ikaw sa mga tawo. Hinaut nga maghari ka dinhi kanamo. Maingon nga ang imong kabubut-on gituman diha sa langit, hinaut nga tumanon usab kini dinhi sa kalibotan. Hatagi kami sa among gikinahanglan nga pagkaon karong adlawa. Pasayloa kami sa among mga sala, ingon nga gipasaylo usab namo ang mga nakasala kanamo. Ayaw itugot nga madaog kami sa mga pagsulay, hinuon luwasa kami gikan kang Satanas. Tungod kay ikaw ang Hari, ang Makagagahom, ug ang Dalayegon sa walay kataposan. Amen.” —Mateo 6:9-13
Dinhi nga mga bersikulo imong makita ang usa ka pag-ampo nga may pagdayeg, pagpasalamat, ug uban pa.
ANG NAPULO KA MGA SUGO SA DIOS NA- —34-35
GATUDLO KON UNSAON NATO PAGKINABUHI
(Exodo 20)
Ang unang upat ka sugo nagahisgot mahitungod sa atong paghigugma sa Dios:
1. “Kinahanglang wala kamoy laing Dios gawas kanako.”
2. “Ayaw kamo paghimog mga dios-dios sa dagway sa
bisan unsa nga anaa sa langit, o sa yuta, o sa tubig.
Ayaw ninyo kini alagari o simbaha.”
3. “Ayaw ninyo gamita sa walay kapuslanan ang ngalan
sa Ginoo nga inyong Dios.”
4. “Tumana ninyo ang Adlaw nga Igpapahulay ug himoa
nga pinasahi nga adlaw alang kanako.”
Ang kataposang unom ka sugo nagahisgot mahitungod
sa atong paghigugma sa atong isigkatawo:
5. “Tahura ninyo ang inyong amahan ug inahan.”
6. “Ayaw kamo pagpatay.”
7. “Ayaw kamo panapaw.”
8. “Ayaw kamo pangawat.”
9. “Ayaw pagsaksi ug bakak batok sa inyong isigkatawo.”
10. “Ayaw kamog kaibog sa balay sa inyong isigkatawo, o
sa iyang asawa, mga ulipon, mga kahayopan, o sa
bisan unsa nga anaa kaniya.”
TUBAGON SA DIOS ANG ATONG MGA PAG-AMPO KON ATONG TUMANON ANG IYANG MGA SUGO
“Bisan unsa ang atong pangayoon kaniya madawat nato, kay ginatuman man nato ang iyang mga sugo ug ginabuhat ang iyang gusto.” —1 Juan 3:22
ANG DUHA KA LABING MAHINUNGDANONG SUGO —36
Gugma ngadto sa Dios
1. Miingon si Jesus, “‘Higugmaon mo ang Ginoo nga imong Dios sa tibuok mong kasingkasing, sa tibuok mong kalag, ug sa tibuok mong hunahuna.’ Mao kini ang labing mahinungdanon nga sugo.” —Mateo 22:37,38
Gugma ngadto sa Tawo
2. “Ug ang ikaduha nga labing mahi-nungdanon susama sa nahauna, ‘Higugmaon mo ang imong isigkatawo sama sa paghigugma mo sa imong kaugalingon.’” —Mateo 22:39,40
Ang napulo ka mga sugo sa Exodo 20 nalangkob niining duha ka sugo.
GUGMA
ANG GUGMA MAO GAYOD ANG
LABING MAHINUNGDANON —37-38
“ANG KAPITULO MAHITUNGOD SA PAGHIGUGMA”
(1 Corinto 13:1-8,13)
1Bisan makasulti ako sa nagkalainlaing mga pinulongan sa mga tawo ug sa mga anghel, apan kon wala akoy gugma sa akong isigkatawo, sama lang ako sa agong nga saba o piyangpiyang nga nagtaginting. 2Ug bisan makasugilon ako sa pulong sa Dios ug makasabot sa tanang mga tinagong mga kamatuoran ug sa tanang kahibalo, ug bisan mapabalhin ko ang bukid tungod sa akong dakong pagtuo, kon wala akoy gugma wala gayod akoy kapuslanan. 3Bisan iapod-apod ko pa sa mga kabos ang tanan kong mga kabtangan, ug bisan ihalad ko ang akong lawas aron sunugon, kon wala akoy gugma, wala gihapon akoy kapuslanan. 4Ang tawo nga nagahi-gugma mapailubon, maayo sa iyang isigkatawo, dili masinahon, dili hambogiro o garboso, 5dili bastos, dili hakog, dili ulitan, dili madinumtanon, 6dili malipay sa daotan kondili sa matarong, 7kanunay mainantuson, sa kanunay may pagsalig ug paglaom, ug sa kanunay molahotay. 8May kataposan ang mga pagsugilon sa pulong sa Dios, ug ang mga pagsulti sa ubang mga pinulongan nga wala matun-i, ug ang kahibalo, apan ang gugma wala gayoy kataposan.
13Tulo ka butang ang magpadayon, ug kining tulo mao ang pagsalig, paglaom, ug ang gugma. Apan ang gugma mao gayod ang labing mahinungdanon.
ANG DIOS GUGMA
“Ang Dios gugma. Ug ang nagakinabuhi nga may paghigugma, anaa sa Dios, ug ang Dios anaa
kaniya.”—1 Juan 4:16b
BUOT NI JESUS NGA ISUGILON MO SA —39
UBAN ANG MAHITUNGOD SA IMONG PAGTUO
(sa imong balay, sa eskwelahan, sa simbahan, ug bisan asa)
Miingon si Jesus, “Pauli sa imong pamilya ug sultihi sila kon unsa ang gihimo sa Ginoo kanimo ug ang kaluoy niya kanimo sa imong kahimtang.” —Marcos 5:19b
UNSAON PAGKAHIBALO KON ANG USA KA
—40,41
TAWO TINUOD NGA ANAK SA DIOS
“Kini ang makita sa kinabuhi sa tawo kon ang Espiritu Santo mao ang nagagahom kaniya: mahigugmaon siya, malipayon, may kalinaw, mainantuson, maayo sa iyang isigkatawo, manggihatagon, kasaligan, buotan ug makapugong sa iyang kaugalingon.” —Galacia 5:22,23a
ANG TINUOD NGA ANAK SA DIOS NAGAPASAYLO SA UBAN
“Kon pasayloon ninyo ang mga tawo nga nakasala kaninyo, pasayloon usab kamo sa inyong Amahan nga langitnon.” —Mateo 6:14
ANG MATANG SA TAWO NGA GIKAPUNGTAN SA DIOS
“Ang mga garboso, ang mga bakakon, ang mga kriminal, ang mga nagalaraw ug daotan, ang mga abtik mohimo ug daotan, ang mga nagasaksi ug bakak, ug ang mga nagapangaway sa iyang isigkatawo.” —Panultihon 6:17-19
ANG MGA TAWHANONG KINAIYA:
“Ang mga tawo nga nagasunod lamang sa ilang tawhanong kinaiya maila gayod pinaagi sa ilang binuhatan: nagapakighilawas sila gawas sa kaminyoon, hugaw ug ma- law-ay ang ilang mga binuhatan, nagasimba sila sa mga dios-dios, mga mambabarang, madinumtanon, palaaway, abughuan, masuk-anon, hakog, hinungdan sa pagbahin-bahin ug pagpundok-pundok, masinahon, palahubog, mahigugmaon sa mga kalibotanon nga kalipay, ug uban pang ginabuhat nila nga mahugaw...Ang mga tawo nga nagabuhat niini dili makapanunod sa gingharian sa Dios.”
—Galacia 5:19-21
“Ang uban kaninyo sama niini kaniadto. Apan nahinloan na kamo sa inyong mga sala, gigahin na kamo sa Dios nga mahimong iya, ug gipakamatarong na tungod kang Ginoong Jesu-Cristo ug tungod sa Espiritu sa atong Dios.”
—1 Corinto 6:11
ANG IMPIYERNO USA KA TINUOD NGA DAPIT
—42
JESUS
(Basaha ang Lucas 16:19-26)
Siguroha nga nagasalig ka kang Jesu-Cristo. Isulat niya ang imong ngalan sa libro nga gilistahan sa mga adunay kinabuhing walay kataposan.
“Si bisan kinsa kansang ngalan wala didto sa libro nga gilistahan sa mga nakaangkon ug kinabuhing walay kataposan gitambog ngadto sa linaw nga kalayo. Mao kini ang ginatawag nga ikaduhang kamatayon.”—Gipadayag 20:15
TABANGI!
SI JESUS MAO LANG ANG BUGTONG
—43
PAAGI NGADTO SA DIOS NGA AMAHAN
“Gihatagan kita sa Dios sa kinabuhi nga walay kataposan, ug kining kinabuhia anaa sa iyang Anak.”
—1 Juan 5:11b
“Ang silot sa sala mao ang kamatayon, apan ang kina- buhing walay kataposan mao ang gasa sa Dios sa mga anaa kang Cristo Jesus nga atong Ginoo.” —Roma 6:23
“Ang motuo sa Anak sa Dios may kinabuhing walay kataposan. Apan ang dili motuman sa Anak sa Dios dili gayod makaangkon sa kinabuhing walay kataposan; ma- gapabilin hinuon ang kaligutgot sa Dios kaniya.”—Juan 3:36
Miingon si Jesus, “Ako mao ang dalan, ang kamatuoran, ug ang kinabuhi. Walay makaadto sa Amahan kon dili pinaagi kanako.” —Juan 14:6
ANG LANGIT USA KA TINUOD NGA DAPIT —44
Nakita ni Juan sa iyang panan-awon ang bag-ong langit ug bag-ong yuta.
“Pahiran niya [sa Dios] ang ilang mga luha. Wala nay kamatayon, kasubo, paghilak, o kasakit tungod kay ang daan nga mga butang nanglabay na. Unya miingon ang nagalingkod didto sa trono, ‘Karon, gibag-o ko na ang tanang mga butang!’ Ug miingon siya kanako, ‘Isulat kini nga mga pulong tungod kay tinuod kini ug masaligan.’” —Gipadayag 21:4,5
“Ang siyudad mismo puro bulawan ug tin-aw sama sa kristal. Ang mga bato nga patukoranan sa paril gidayandayanan sa tanang matang sa mahalong mga bato.” —Gipadayag 21:18b,19a
MIBALIK SI JESUS DIDTO SA LANGIT ARON
—45
SA PAG-ANDAM SA PULOY-ANAN
ALANG SA MGA NAGATUO KANIYA
Miingon si Jesus, “Ayaw kamog kaguol. Salig kamo sa Dios ug salig usab kamo kanako. Didto sa balay sa akong Amahan adunay daghang lawak. Mouna ako didto aron sa pagandam ug lugar alang kaninyo. Dili ako mosulti niini kaninyo kon dili pa kini tinuod. Kon tua na ako didto ug makaandam na ug lugar alang kaninyo, mobalik ako aron kuhaon kamo, aron nga kon asa ako atua usab kamo.”
—Juan 14:1-3
ISUGILON ANG MAAYONG BALITA NGADTO SA UBAN
Miingon si Jesus, “Lakaw kamo sa tibuok nga kalibotan ug iwali ang Maayong Balita mahitungod kanako sa tanan nga mga tawo.” —Marcos 16:15
ANG MGA SAAD SA DIOS SA IYANG MGA ANAK —46
“Dili ko gayod kamo biyaan, ug dili ko gayod kamo pasagdan.” —Hebreo 13:5b
“Suguon sa Dios ang iyang mga anghel sa pagbantay kanimo bisan asa ka moadto.” —Salmo 91:11
“Hinumdomi ninyo nga kauban ninyo ako kanunay hangtod sa kataposan sa kalibotan.” —Mateo 28:20b
“Ayaw kamo kahadlok sa mga umaabot nga alantuson...pagmatinumanon kamo bisan magkahulogan kini sa inyong ka-matayon, ug gantihan ko kamog kina- buhing walay kataposan.” —Gipadayag 2:10
“Panawag kanako, ug tubagon ko ikaw.” —Jeremias 33:3a
SI JESUS MOBALIK
—47
Banhawon ang tanang namatay.
“Moabot ang panahon nga ang tanan nga mga patay makadungog sa akong tingog, ug manggawas sila sa ilang lubnganan. Ang mga maayo ug binuhatan banhawon ug hatagan ug kinabuhing walay kataposan, ug ang mga daotan ug binuhatan banhawon usab apan silotan.” —Juan 5:28b,29
Ang mga tumutuo nga buhi kuhaon usab.
“Kitang mga buhi pa nianang panahona kalit lang nga kuhaon uban kanila didto sa kapanganoran sa pagsugat sa Ginoo. Ug makig-uban na kita sa Ginoo sa walay kataposan.” —1 Tesalonica 4:17
Miingon si Jesus, “Busa pagbantay kamo ug pangandam, kay wala gayod kamo masayod kon kanus-a ako moabot.” —Marcos 13:33
UNSAON PAGBALIK NI JESUS?
—48
“Moanhi si Jesu-Cristo uban sa mga pa- nganod. Ang tanang tawo makakita kaniya.”
—Gipadayag 1:7a
“Miingon si Jesus, “Kon dunay moingon kaninyo, ‘Ania na ang Cristo!’ o ‘Atua siya!’ ayaw kamo pagtoo. Kon dunay mga tawo nga moingon kaninyo, ‘Si Cristo atua sa ka-mingawan,’ ayaw kamo pag-adto.”—Mateo 24:23,26a
SA KALIT LANG MOABOT SI JESUS UG MAKITA SIYA DIHA SA MGA PANGANOD
“Unya ako nga Anak sa Tawo makita nga nagabalik sa kalibotan gikan sa langit. Ug ang tanang tawo dinhi sa kalibotan manghilak kon makita nila ako diha sa mga panga-nod nga moanhi uban sa gahom nga nagadan-ag gayod.”
—Mateo 24:30
ANG AWIT SA USA KA MAGBALANTAY SA KARNERO
(Salmo 23)
1Ikaw, GINOO, mao ang akong magbalantay, busa walay makulang kanako. 2Sama ako sa karnero nga gipapahulay mo sa sabsabanan nga dunay daghang sagbot ug ginatultolan sa malinaw nga tubig. 3Gipabaskog mo ako. Ginatultolan mo ako sa husto nga dalan aron ikaw mapasidunggan. 4Bisan pag maglakaw ako diha sa kapatagan nga may katalagman, dili ako mahadlok, tungod kay kauban ko ikaw. Ang imong pagpanalipod ug pagtultol kanako nagalipay ug nagapabaskog kanako. 5Giandaman mo ako ug kombira samtang nagalantaw ang akong mga kaaway. Gidihogan mo ug lana ang akong ulo sa pagdawat kanako isip pinasidunggang bisita. Ug gipatuyangan mo ako sa ilimnon. 6Sigurado gayod nga ang imong kaayo ug gugma kanako magapadayon samtang nagakinabuhi ako. Ug magpuyo ako sa imong balay GINOO, hangtod sa kahangtoran.
Ang mga bersikulo kinutlo gikan sa Ang Pulong sa Dios © International Bible Society
Kon interesado ka nga makadawat ug uban pang pagtulon-an mahitungod sa Pulong sa Dios, isulat ang imong hangyo sa pi-nulongang English ug ipadala sa:
If you are interested in receiving additional Scripture booklets, write to the publisher in English at the address below or order online:
World Missionary Press, Inc.
P.O. Box 120
New Paris, Indiana 46553-0120 U.S.A.
World Missionary Press Home Page | Go to the Top of This Page
Libre kini — dili baligya